رہنما نیوز کے مطابق ن لیگ آزاد کشمیر کے صدر غلام قادر نے کہا کہ پیپلزپارٹی اگر تحریک عدم اعتماد لاتی ہے تو یہ ان کا جمہوری حق ہے، ن لیگ کسی نئی حکومت یا غیر فطری حکومت سازی کا حصہ نہیں بنے گی۔
انہوں نے کہا کہ ن لیگ اب اپوزیشن میں بیٹھے گی، پارٹی پالیسی سے انحراف پر کارروائی ہوگی۔
غلام قادر نے کہا کہ نئی حکومت صرف شفاف عام انتخابات سے ہی ممکن ہے، ن لیگ کشمیری مہاجرین اور بیرون ملک کشمیریوں کی فلاح کے لیے سرگرم ہے۔
ن لیگی رہنما نے کہا کہ آزاد کشمیر میں آئینی و سیاسی بحران کے حل میں مثبت کردار ادا کرتے رہیں گے، ن لیگ ایک منظم اور مقبول جماعت کے طور پر ابھری ہے۔
انہوں نے کہا کہ مسلم لیگ ن کا متفقہ فیصلہ ہے کہ وہ انوارالحق حکومت کا حصہ نہیں رہے گی، نواز شریف اور شہباز شریف کی قیادت میں بھرپور انتخابی مہم چلائیں گے۔
