پاکستان کی ورچوئل مذاکرات میں آئی ایم ایف کو اہداف کی تکمیل کی یقین دہانی

اسلام آباد : پاکستان نے ورچوئل مذاکرات میں آئی ایم ایف کو باقی ماندہ اہداف پر بھی عمل درآمد کی یقین دہانی کرادی۔
تفصیلات کے مطابق آئی ایم ایف سے تیسری قسط کے حصول کے لیے حکومت پاکستان کی کوششیں جاری ہے۔
ذرائع نے بتایا کہ حکومت پاکستان نے دوسرے اقتصادی جائزے کیلئےآئی ایم ایف سے ورچوئل مذاکرات کیے، وزارت خزانہ حکام کے آئی ایم ایف سے ورچوئلی مذاکرات کا سلسلہ جاری رہے گا۔
ذرائع کا کہنا ہے کہ پاکستان نے آئی ایم ایف کے باقی ماندہ اہداف پر بھی عمل درآمد کی یقین دہانی کرادی ہے۔
مذاکرات کے دوران میمورنڈم آف اکنامک اینڈ فنانشل پالیسیز ڈرافٹ پر تبادلہ خیال ہوا، پاکستان نے کرپشن اینڈ گورننس ڈائیگناسٹک اسسمنٹ رپورٹ پبلش کرنے کیلئے مہلت مانگ لی، کرپشن اینڈ گورننس ڈائیگناسٹک اسسمنٹ رپورٹ میں تبدیلیاں کرکے اسے پبلش کیا جائے گا۔
آئی ایم ایف سے اسٹاف لیول معاہدہ ایم ای ایف پی پر اتفاق ہونے پر ہو گا، ایم ای ایف پی ڈرافٹ میں نرمی اور تبدیلیوں کیلئے آئی ایم ایف سے ایک پھر درخواست کی گئی ہے۔
واضح رہے کہ پاکستان آئی ایم ایف کے موجودہ پروگرام کے تحت تیسری قسط کے اجراء کے لیے اہم پالیسی اقدامات پر پیش رفت جاری رکھے ہوئے ہے۔