ویمنز ورلڈ کپ میں آسٹریلیا نے پاکستان کو 107 رنز سے شکست دے دی

ویمنز ورلڈ کپ کے 9ویں میچ میں آسٹریلیا نے پاکستان کو 107 رنز سے شکست دے دی۔
کولمبو میں کھیلے گئے میچ میں آسٹریلیا کی جانب سے دیے گئے 222 رنز کے تعاقب پاکستان ویمنز ٹیم 36.3 اوورز میں 114 رنز پر ڈھیر ہوگئی۔
سدرہ امین 35 رنز بنا کر نمایاں رہیں، کپتان فاطمہ ثنا 11 اور نشرہ سندھو بھی 11 رنز بناسکیں، رامین شمیم نے 15 رنز بنائے۔
آسٹریلیا ویمنز کی جانب سے کم گارتھ نے تین کھلاڑیوں کو آؤٹ کیا، میگن نے دو وکٹیں حاصل کیں۔
اس سے قبل آسٹریلیا ویمنز نے مونی کی شاندار سنچری کی بدولت پاکستان کو جیت کے لیے 222 رنز کا ہدف دیا تھا۔
بیتھ مونی نے 114 گیندوں پر 109 رنز بنائے ان کی اننگز میں 11 چوکے شامل تھے، ایلانا کنگ 49 گیندوں پر 51 رنز بنا کر ناٹ آؤٹ رہیں۔
یہ پڑھیں: نشرہ سندھو نے آسٹریلیا کے خلاف تاریخ رقم کردی
پاکستان کی جانب سے نشرہ سندھو نے تین کھلاڑیوں کو آؤٹ کیا۔ رامین شمیم اور فاطمہ ثنا نے دو، دو وکٹیں حاصل کیں۔
میچ کے بعد گفتگو کرتے ہوئے فاطمہ ثنا نے کہا کہ اگر آپ 20 اوورز میں ٹاپ پر ہیں تو آپ کو آخری گیند تک ٹاپ پر رہنے کی ضرورت ہے۔
کپتان نے کہا کہ مونی جس طرح سے کھیلیں یہ دیکھنا بہت اچھا تھا، ہم نے پچ کی وجہ سے بولنگ کرنے کا فیصلہ کیا تھا، یہ سست اور ٹرننگ وکٹ تھی،ہم جانتے ہیں کہ اسپنرز نے اچھی کارکردگی کا مظاہرہ کیا ہے یہی ہمارا پلان تھا جس میں کافی حد تک کامیابی ملی۔
انہوں نے کہا کہ آج بولرز سرفہرست ہیں، ہمیں بیٹنگ میں بہتری کی ضرورت ہے، ہمیں 190 سے 200 کو رنز بنانے ہوں گے۔
واضح رہے کہ پاکستان ویمنز ٹیم ورلڈ کپ میں اپنا اگلا میچ انگلینڈ سے کھیلے گی