مائیک ایتھرٹن نے آئی سی سی سے پاک بھارت میچز نہ کروانے کی تجویز دی

سابق انگلش کپتان مائیک ایتھرٹن نے انترنیشنل کرکٹ کونسل(آئی سی سی) سے پاک بھارت میچز نہ کروانے کی تجویز دی۔
انگلش کرکٹ ٹیم کے سابق کپتان مائیکل ایتھرٹن نے کہا کہ آئی سی سی معاشی فائدے کے لیے یہ میچز کرواتا ہے لیکن حالیہ صورتحال میں پاک بھارت میچز سے کھیل کو نقصان ہوا ہے۔
انہوں نے کہا کہ بھارت کے ہاتھ نہ ملانے اور ٹرافی نہ لینے سے ایسا لگتا ہے کہ کرکٹ کو سیاسی فائدے کے لیے استعمال کیا جارہا ہے، پاک بھارت میچز کو روکا جائے تاکہ سیاسی معاملات کرکٹ کے کھیل پر اثرانداز  نہ ہوں۔
سابق انگلش کپتان کا کہنا تھا کہ آئی سی سی ایونٹس میں پاک بھارت مقابلے شیڈول کرنے کی وجہ معاشی اور سفارتی ہوسکتی ہے مگر وقت آ گیا ہے کہ اب دونوں ممالک کے تعلقات میں کمی آنے کی وجہ سے یہ تاثر ختم ہونا چاہئے۔
سابق کپتان نے تسلیم کیا کہ آئی سی سی ایونٹ میں اس مقابلے کا مالی طورپر بڑا اثر ہے اور اس مقابلے کی وجہ سے ہی شائید ایک اندازے کے مطابق موجودہ سرکل میں براڈ کاسٹ رائٹس 3 ارب ڈالرز کے رہے۔
ان کا کہنا تھا کہ دونوں ممالک کے درمیان مقابلہ بارڈر ٹینشن کے لیے پراکسی بن گیا ہے، پہلے کرکٹ کو ڈپلومیسی کے پہیے کے طور لیا جاتا تھا لیکن اب یہ واضح طور پر کشیدگی اور پراپیگنڈا کے لیے پراکسی ہے۔
بی سی سی آئی سے معافی مانگی اور نہ کبھی مانگوں گا، محسن نقوی نے بھارتی میڈیا کا جھوٹ بے نقاب کر دیا