بھارت کی جانب سے روایتی حریفوں کے مقابلے میں سیاست کی مداخلت

بھارت کی جانب سے روایتی حریفوں کے مقابلے میں سیاست کی مداخلت ہو رہی ہے آج ایک اور مداخلت کا امکان ہے۔
آئی سی سی ویمنز ون ڈے ورلڈ کپ 2025 میں آج سب سے بڑا مقابلہ روایتی حریفوں پاکستان اور بھارت کے درمیان کولمبو کے پریماداسا اسٹیڈیم میں ہونے جا رہا ہے۔ تاہم میچ کے سیاست کے بعد ایک اور مداخلت سے متاثر ہونے کا خدشہ ہے۔
آج پاک بھارت ٹاکرے میں بھی ہینڈ شیک ہوگا یا نہیں۔ یہ تو ٹاس کے وقت پتہ چلے گا۔ تاہم سیاست سے بعد روایتی حریفوں کے مقابلے میں ایک اور چیز مداخلت کر سکتی ہے اور وہ بارش ہے۔
تاہم مقامی محکمہ موسمیات کے مطابق اس ہائی وولٹیج میچ کے بارش سے متاثر ہونے کا قومی امکان ہے۔ پاک بھارت میچ کے آغاز سے قبل ہی بارش کی پیشگوئی کی گئی ہے، جو وقفے وقفے سے سارا دن ہی جاری رہے گی۔
کولمبو میں گزشتہ روز بھی بارش ہوئی تھی، جس کے باعث اسٹیڈیم میں پاکستان ٹیم کی شیڈول ٹریننگ کو منسوخ کر دیا تھا۔
تاہم گرین شرٹس نے ان ڈور سیشن میں جم کر پریکٹس کی اور بیٹنگ وبالنگ کی مشقیں کیں۔ ہیڈ کوچ محمد وسیم اور دیگر کوچز کی نگرانی میں ویمنز کرکٹرز نے فزیکل ٹریننگ میں بھی حصہ لیا۔
واضح رہے کہ بھارت کی جانب سے کھیلوں کو سیاست سے آلودہ کیے جانے کی تاریخ پرانی ہے۔ تاہم حالیہ پاک بھارت کشیدگی کے بعد مودی سرکار نے ایشیا کپ کرکٹ کو سیاست سے آلودہ کرنے کی حد کرتے ہوئے کرکٹرز کو پاکستانی کھلاڑیوں سے ہاتھ ملانے سے روکا اور آخر میں ایشیا کپ کی فاتح ٹیم نے محسن نقوی سے ٹرافی بھی لینے سے انکار کر دیا