کراچی کے علاقے صدر میں برطانیہ سے چوری ہونے والی قیمتی رینج روور کا سراغ لگا لیا گیا ہے۔
کراچی کے علاقے صدر میں برطانیہ سے چوری ہونے والی قیمتی رینج روور کی موجودگی کا انکشاف ہوا ہے۔
مہنگی ترین گاڑی برطانیہ سے چوری کرکے کراچی پہنچنے کا انکشاف ہوا ہے۔ یوکے پولیس کی درخواست پر انٹرپول مانچسٹر نے سندھ پولیس کو اس کی بازیابی میں مدد کے لیے خط لکھا ہے۔ خط میں استدعا کی گئی ہے کہ کالے رنگ کی رینج روور 22 نومبر 2022 کو ہیروگیٹ سے چوری ہوئی تھی۔ ٹریکنگ کے بعد گاڑی کی لوکیشن کراچی کے علاقے صدر سے آئی ہے۔
برطانیہ کی پولیس کی جانب سے چوری کی گئی گاڑی کی لوکیشن فراہم کردی گئی ہے، انٹرپول نے لکھا ہے کہ پاکستان پولیس گاڑی کی بازیابی میں یوکے پولیس کی مدد کرے۔ خط میں کہا گیا ہے کہ رینج روور گاڑی میں نصب ٹریکر کا رابطہ 11 فروری 2025 کو لیڈز میں منقطع ہوا جس کا مقام کورنگی روڈ اعظم بستی صدر تھا۔خط کے مطابق گاڑی کی مکمل تفصیلات انٹرپول ایس ایم وی ڈیٹا بیس پر بھی موجود ہیں۔ خط ملنے کے بعد پولیس نے گاڑی کی تلاش کا عمل شروع کر دیا ہے۔
