مریم نواز اپنا بیان واپس لیں ورنہ ملک گیر احتجاج کریں گے” آل سندھ لائرز ایکشن کمیٹی
آل سندھ لائرز ایکشن کمیٹی نے وزیر اعلیٰ پنجاب مریم نواز کے بیان کی مذمت کردی ہے۔ کمیٹی کے جاری کردہ اعلامیے میں کہا گیا ہے کہ مریم نواز کا بیان صرف اشتعال انگیز اور غیر دارنہ بلکہ آئین پاکستان اور وفاقی ڈھانچے کے خلاف ہے، دریائے سندھ کا پانی کسی ایک صوبے کی ملکیت نہیں ہے، وزیر اعلیٰ پنجاب مریم نواز فوری اپنا بیان واپس لیں۔ اعلامیے کے مطابق اگر وزیر اعلیٰ پنجاب نے اپنا بیان واپس نا لیا تو دیگر بار کونسلز کی مشاورت سے ملک گیر احتجاج کریں گے، سندھ کی وکلا برادری متحد ہے دریائے سندھ پر غیر آئینی دعوا منظور نہیں ہے۔
