ویمنز ورلڈ کپ کے افتتاحی میچ میں بھارت نے سری لنکا کو ڈک ورتھ لوئس میتھڈ کے تحت 59 رنز سے شکست دے دی۔
بھارت نے پہلے بیٹنگ کرتے ہوئے 47 اوورز میں 8 وکٹوں کے نقصان پر 269 رنز بنائے ڈی ایل ایس میتھڈ کے تحت سری لنکا کو 271 رنز کا ہدف ملا جس کے تعاقب میں سری لنکا کی ٹیم 45.4 اوورز میں 211 رنز پر ڈھیر ہوگئی۔
دپتی شرما کو 53 رنز کی شاندار اننگز اور تین کھلاڑیوں کو آؤٹ کرنے پر میچ کا بہترین کھلاڑی قرار دیا گیا۔
چماری آتھاپتھو کی 43 رنز کی اننگز رائیگاں گئی، نکلکشکا سلوا 35 رنز بنا سکیں، ہرشیتھا سمراوکرما 29 رنز بنا کر پویلین لوٹ گئی۔
بھارت کی جانب سے دپتی شرما نے تین کھلاڑیوں کو آؤٹ کیا، سنے رانا اور شری چارانی نے دو، دو وکٹیں حاصل کیں۔
اس سے قبل بھارت نے اپنی اننگز میں امنجوت کور کے 57 اور دپتی شرما نے 53 رنز کی بدولت 8 وکٹوں کے نقصان پر 268 رنز بنائے تھے۔
سری لنکا کی جانب سے انوکا راناویرا نے چار وکٹیں حاصل کیں
ویمنز ورلڈ کپ میں بھارت کا فاتحانہ آغاز، سری لنکا کو 59 رنز سے شکست
