شاہ رخ خان اور دپیکا پڈوکون کے مداحوں کیلیے بڑی خوشخبری

بالی وڈ کے سُپر اسٹارز شاہ رخ خان اور دپیکا پڈوکون کے مداحوں کیلیے بڑی خوشخبری یہ ہے کہ وہ ان دونوں ایک بار پھر اسکرین پر ساتھ دیکھ سکیں گے۔
فلم ’کلکی 2898 اے ڈی‘ کے سیکوئل سے نکلنے کے بعد دپیکا پڈوکون نے اپنے اگلے پروجیکٹ کا اعلان کیا جو شاہ رخ خان کی فلم ’کنگ‘ ہے۔
انہوں نے انسٹاگرام پر ایک پوسٹ شیئر کی جس کے ساتھ دل کو چھو لینے والا پیغام بھی شامل ہے۔ پوسٹ کے ساتھ تصویر بھی منسلک ہے جس میں دپیکا نے شاہ رخ خان کا ہاتھ پکڑا ہے۔
واضح رہے کہ اداکارہ نے فلم ’اوم شانتی اوم‘ میں شاہ رخ خان کے ساتھ پہلی بار کام کیا تھا۔
اداکارہ نے کیپشن میں لکھا کہ تقریباً 18 سال پہلے ’اوم شانتی اوم‘ کی شوٹنگ کے دوران شاہ رخ خان نے مجھے سب سے پہلا سبق سکھایا تھا کہ فلم بنانے کا تجربہ اور جن لوگوں کے ساتھ آپ اسے بناتے ہیں وہ اس کی کامیابی سے کہیں زیادہ اہم ہوتے ہیں۔
’میں اس سے مکمل طور پر متفق ہوں اور اس سبق کو اپنے ہر فیصلے میں اپنایا ہے اور شاید یہی وجہ ہے کہ ہم اپنی چھٹی فلم ایک ساتھ بنا رہے ہیں۔‘
اگرچہ یہ پوسٹ ایک اعلان کے طور پر تھی لیکن اسے کلکی 2898 اے ڈی کے جاری تنازع کے جواب کے طور پر سمجھا گیا۔ یہ پوسٹ کلکی 2898 اے ڈی کے پروڈکشن ہاؤس وجینتھی موویز کے اُس اعلان کے چند دن بعد سامنے آئی کہ جس میں کہا گیا کہ دپیکا پڈوکون فلم کے سیکوئل کا حصہ نہیں ہوں گی۔
اعلان میں کہا گیا کہ دپیکا پڈوکون کلکی 2898 اے ڈی کے آنے والے سیکوئل کا حصہ نہیں ہوں گی، کافی غور و فکر کے بعد ہم نے الگ ہونے کا فیصلہ کیا ہے، پہلی فلم بنانے کے طویل سفر کے باوجود ہم شراکت داری قائم نہ کر سکے۔
اس اعلان کے بعد رپورٹس سامنے آئیں کہ مالیاتی اختلافات کی وجہ سے یہ علیحدگی ہوئی۔
بالی وڈ ہنگامہ کے مطابق دپیکا پڈوکون نے مبینہ طور پر سیکوئل کیلیے اپنی فیس میں 25 فیصد اضافے کی درخواست کی تھی اور ساتھ ہی اپنی 25 رکنی ٹیم کیلیے فائیو اسٹار رہائش اور کھانے کے اخراجات کی ادائیگی کا مطالبہ کیا تھا