ایشیا کپ سپر فور مرحلہ: پاک بھارت ٹاکرے کے ٹکٹ کی قیمت کیا ہے؟

بھارت کی میزبانی میں متحدہ عرب امارات میں ہائبرڈ ماڈل کے تحت کھیلے جا رہے ایشیا کپ 2025 کا سپر فور مرحلہ اکل سے شروع ہو رہا ہے، جس میں ریجن کی چار بڑی کرکٹ ٹیمیں ایک ٹرافی کے حصول کی جنگ لڑیں گی۔
گروپ اے سے پاکستان اور بھارت جب کہ گروپ بی سے سری لنکا اور بنگلہ دیش نے اس مرحلے کے لیے کوالیفائی کیا ہے۔
سپر فور مرحلے کا آغاز کل گروپ بی سے کوالیفائی کرنے والی ٹیموں سری لنکا اور بنگلہ دیش کے مابین ہوگا جب کہ روایتی حریف پاکستان اور بھارت اتوار کو دبئی میں دوبارہ ٹکرائیں گے۔
اس مرحلے میں ہر ٹیم تین تین میچز کھیلے گی اور ٹاپ کی دو ٹیمیں فائنل کے لیے کوالیفائی کریں گی۔
ایشیا کپ کے سپر فور مرحلے کے لیے ٹکٹوں کی فروخت شروع ہو گئی ہے۔ ٹکٹ کی کم سے کم قیمت 75 درہم (پاکستانی تقریباً 5800 روپے) رکھی گئی ہے۔
ٹورنامنٹ کے ہائی وولٹیج مقابلے پاک بھارت ٹاکرے کے ٹکٹ کی قیمت کم سے کم 350 درہم (27 ہزار پاکستانی روپے سے شروع ہو رہی ہے۔