ٹک ٹاکر سامعہ حجاب نے حسن زاہد کو معاف کرنے کی وجہ بیان کردی ہے۔
ٹک ٹاکر اور سوشل میڈیا انفلوئنسر سامعہ حجاب نے حسن زاہد کو عماف کرنے کے معاملے پر خاموشی توڑ دی ہے۔
اسلام آباد کی ڈسٹرکٹ اینڈ سیشن کورٹ میں ٹک ٹاکر سامعہ حجاب کے مبینہ اغوا اور دھمکیوں کے کیس میں عدالت نے ملزم حسن زاہد کی ضمانت منظور کر لی جب ٹک ٹاکر نے کہا کہ اس نے اللہ کی رضا کے لیے اسے معاف کر دیا ہے۔
سماعت کے بعد سامعہ نے صلح سے متعلق صحافیوں کے کسی سوال کا جواب نہیں دیا اور عدالت سے چلی گئیں۔
صحافی نے پوچھا کہ انہوں نے کتنے کروڑوں روپے میں سودا کیا لیکن ٹک ٹوکر کسی سوال کا جواب دیے بغیر خاموشی سے چلی گئیں۔
تاہم سامعہ نے اب سوشل میڈیا پر ایک ویڈیو شیئر کی ہے اور اس ڈیل سے متعلق سوال کا جواب دیتے ہوئے انہوں نے کہا کہ ’لوگ پوچھ رہے ہیں کہ میں نے ملزم حسن زاہد کو معاف کرنے کے لیے کتنے پیسے کا سودا کیا اور کیا اب مجھے خطرہ نہیں ہے؟
انہوں نے کہا کہ میں نے اپنے حقوق کے لیے آواز اٹھائی اور 75 فیصد لوگوں نے میرا ساتھ دیا لیکن صرف 25 فیصد لوگ ہی مجھ پر تنقید کر رہے ہیں۔
حسن زاہد کو معاف کرنے کی اصل وجہ بتاتے ہوئے انہوں نے مزید کہا کہ حسن کے والدین ان کے گھر آئے اور معافی مانگی جس کی وجہ سے انہوں نے اسے معاف کردیا۔
