’اگلے ہفتے تک زرعی ایمرجنسی پلان کا اعلان کر دیں گے‘

وزیراعلیٰ سندھ مراد علی شاہ نے کہا ہے کہ ہم  زرعی ایمرجنسی ایمرجنسی پر عملدرآماد کا پلان تیار کر رہے ہیں اگلے ہفتے تک  زرعی ایمرجنسی پلان کا اعلان کردیں گے۔
میڈیا سے گفتگو کرتے ہوئے انہوں نے کہا کہ فوڈ سیکیورٹی ، خاص طور پر گندم کا موسم ہے کاشتکاروں کو سپورٹ کریں، بلاول بھٹو نے کہا ہے کہ متاثرین کی بینظیرانکم سپورٹ پروگرام کے ذریعے امداد کی جائے وفاق سے اپیل کرتا ہوں بلاول بھٹو کی بات پر عملدرآمد کیا جائے۔
وزیراعلیٰ نے کہا کہاس وقت ملک میں بڑا سیلاب آیا ہے سمجھ نہیں آتی حکومت اس وقت تک عالمی اپیل کیوں نہیں کررہی، اس موسمیاتی تبدیلی کے ذمہ دار ہم نہیں ہیں، ترقی یافتہ ممالک ہیں، بلاول بھٹو نے اپیل کی تھی حکومت اقوام متحدہ سے کہے کہ اپنا کردار ادا کریں ہمارے پاس متاثرین کےلیے امدادی سامان کا اسٹاک موجود ہے۔
ان کا کہنا تھا کہ ہم لوگ اس وقت سیلاب کو اسٹڈی کر رہے ہیں ہم سکھر بیراج کی گنجائش بڑھانے کی کوشش کر رہے ہیں ہمارے کیمپوں میں لوگ نہیں ہیں، میڈیکل کیمپوں میں لوگ آ رہے ہیں، مویشیوں کی ویکسی نیشن ہو رہی ہے ہر مشکل میں ہم سب کا متحد ہونا ضروری ہے، مئی میں جب بھارت نے فوجی جارحیت کی تھی تو پوری قوم متحد ہوگئی تھی، سیلاب اور دہشتگردی کیخلاف بھی پوری قوم کو متحد ہونے کی ضرورت ہے۔
 وزیراعلیٰ نے مزید کہا کہ صدر آصف زرداری اور چیئرمین بلاول بھٹو زرداری مسلسل رابطے میں ہیں، بلاول بھٹو اس وقت چین میں ہیں لیکن صبح سے دو باراپ ڈیٹ لے چکے ہیں سکھر بیراج ساڑھے 8 ملین ایکڑ زمین آباد کرتا ہے، سیلاب سے ڈرایا نہیں، لوگوں کو آگاہی دی