سلمان خان کی جان کو خطرہ، بگ باس 19 کی سیکیورٹی مزید سخت

ھارتی میڈیا رپورٹ کے مطابق سلمان خان بگ باس 19 میں ’ویک اینڈ کے وار‘ میں دو قسطوں کے لیے موجود ہوتے ہیں اور اس دوران لوگ ان کی جھلک دیکھ پاتے ہیں لیکن اب سیکیورٹی مزید سخت کردی گئی ہے۔
سلمان خان کو حالیہ مہینوں میں مسلسل سنگین دھمکیاں موصول ہوئی ہیں جن کا تعلق گینگسٹر لارنس بشنوئی سے ہے۔ ان خدشات کے پیش نظر شو کی ٹیم نے حفاظتی انتظامات کو مزید سخت کر دیا ہے۔
رپورٹ کے مطابق بگ باس کے سی ای او رشی نیگی نے تصدیق کی ہے کہ بگ باس کے سیٹ پر گزشتہ ڈھائی سالوں سے سکیورٹی میں اضافہ جاری ہے۔ انہوں نے بتایا کہ کسی بھی ممکنہ خطرے یا خلل سے بچنے کے لیے تقریباً 600 افراد 24 گھنٹے شفٹوں میں کام کر رہے ہیں۔
یاد رہے کہ سلمان خان کو متعدد بار لارنس بشنوئی گینگ کی جانب سے جان سے مارنے کی دھمکیاں دی جاچکی ہیں