ایشیا کپ 2025 آج متحدہ عرب امارات (یو اے ای) میں شروع ہو گا

آج دبئی انٹرنیشنل کرکٹ اسٹیڈیم میں ٹورنامنٹ کی ٹرافی کی رونمائی کی جائے گی، اس کے بعد کپتان پریس کانفرنس کریں گے۔
ایشیا کپ ٹی20 کرکٹ ٹورنامنٹ کا افتتاحی میچ افغانستان اور ہانگ کانگ کے درمیان کھیلا جائے گا۔
پاکستانی ٹیم ایشیا کپ میں اپنی مہم کا آغاز 12 ستمبر کو عمان کے خلاف میچ سے کرے گی جبکہ پاک بھارت ٹاکرا 14 ستمبر کو ہو گا۔
واضح رہے کہ ایشیا کپ کا آغاز آج سے یو اے ای میں ہو رہا ہے شائقین ایونٹ میں سنسنی خیز مقابلے دیکھنے کے لیے پرجوش ہیں۔
ایشیا کپ 2025 میں بھارتی ٹیم ٹائٹل کا دفاع کرے گی جبکہ 8 ٹیمیں دو گروپ میں موجود ہیں، پاکستان اور بھارت کو ایک ہی گروپ میں رکھا گیا ہے۔
گروپ اے میں پاکستان، بھارت، اومان، اور یو اے ای شامل ہیں جبکہ گروپ بی میں سری لنکا، بنگلادیش، افغانستان اور ہانگ کانگ کی ٹیمیں شامل ہیں۔
ایشیا کپ کی انعامی رقم کی جانب سے اے سی سی کی جانب سے کوئی اعلان نہیں کیا گیا لیکن بھارتی میڈیا کی جانب سے انعامی رقم کی تفصیلات جاری کی گئی ہیں۔
بھارتی میڈیا رپورٹس کے مطابق ایشیا کپ 2025 کی فاتح ٹیم کو تقریباً 3 لاکھ امریکی ڈالر (ساڑھے8 کروڑ پاکستانی روپے سے زائد) رقم ملے گی جبکہ رنرز اپ کو تقریباً ڈیڑھ لاکھ امریکی ڈالر (4 کروڑ پاکستانی روپے سے زائد) دیے جائیں گے