مائیک ہیسن نے کس کھلاڑی کو بڑا ’اثاثہ‘ قرار دیا؟

پاکستان نے گزشتہ روز افغانستان کو شکست دے کر سہ ملکی سیریز جیت لی اور ہیڈ کوچ مائیک ہیسن کا کہنا ہے کہ ایشیا کپ سے قبل سیریز میں کامیابی سے ٹیم کے اعتماد میں اضافہ ہوا ہے۔
ہیسن نے ٹیم کی پیشرفت پر اطمینان کا اظہار کیا اور کہا کہ افغانستان کو ان کے لیے سازگار حالات میں شکست دینے سے ان کی ٹیم کو براعظمی ٹورنامنٹ سے قبل اعتماد میں اضافہ کرنے میں مدد ملی۔
پاکستان کرکٹ بورڈ (پی سی بی) کی جانب سے جاری کردہ ایک بیان میں ہیسن نے کہا کہ جس طرح سے ٹیم ترقی کر رہی ہے میں اس سے خوش ہوں۔ ہم نے افغانستان کو ان کے اسپن اٹیک کے مطابق کنڈیشنز میں شکست دی، ایشیا کپ میں جانے سے قبل دباؤ میں فائنل جیتنا بھی ہمارے لیے بہت اہم تھا۔
محمد حارث کی ناقص پرفارمنس پر سلمان آغا کا بڑا بیان سامنے آگیا
ہیسن نے کہا کہ فخر زمان انجری سے واپس آنے کے بعد سہ فریقی سیریز کے دوران اعتماد میں اضافہ ہوا ہے۔ انہوں نے آہستہ سے آغاز کیا ہے، آپ ہمیشہ 160 کے اسٹرائیک ریٹ سے اسکور نہیں کرسکتے۔”
ہیڈ کوچ نے پلیئر آف دی سیریز محمد نواز کی قومی ٹیم میں واپسی کے بعد سے ان کی مسلسل کارکردگی کی تعریف کی اور انہیں تمام شعبوں میں ایک ‘بڑا اثاثہ’ قرار دیا۔
ہیسن نے مزید کہا کہ محمد نواز شاندار رہے ہیں، وہ سہ فریقی سیریز اور امریکا میں ویسٹ انڈیز کے خلاف سیریز کے بہترین کھلاڑی تھے وہ ہمارے لیے تینوں شعبوں میں بڑا اثاثہ ہے۔
انہوں نے کہا کہ ایشیا کپ ہمیں پہلے سپر فور پر توجہ مرکوز کرنی ہوگی اس کے بعد اچھا کھیل کر ٹورنامنٹ جیتنا چاہیے۔