کراچی سمیت سندھ کے مختلف اضلاع میں اربن فلڈنگ کا خطرہ

محکمہ موسمیات نے کراچی والوں کو خبردار کرتے ہوئے کہا کہ 18 سے 24 گھنٹوں میں ہوا کا کم دباؤ کمزور ہو کر ڈپریشن کی شکل اختیار کرے گا، شہری غیر ضروری سفر سے گریز کریں۔
محکمہ موسمیات نے خبردار کیا ہے کہ مون سون کے نئے اسپیل کے باعث کراچی سمیت سندھ کے مختلف اضلاع میں اربن فلڈنگ کا خطرہ ہے۔
تفصیلات کے مطابق ڈپٹی ڈائریکٹر محکمہ موسمیات انجم نذیر ضیغم نے موسم کی صورتحال بتاتے ہوئے کہا کہ ہوا کا کم دباؤ اس وقت تھرپارکر کے قریب ڈیپ ڈپریشن کی شکل میں موجود ہے، جس کے باعث کراچی میں بدھ تک تیز اور کہیں کہیں موسلادھار بارش کا امکان ہے۔
محکمہ موسمیات کا کہنا ہے کہ ڈیپ ڈپریشن میں 60 سے 70 کلومیٹر فی گھنٹہ کی رفتار سے ہوائیں چل سکتی ہیں، شہری غیر ضروری سفر سے گریز کریں۔
انجم نذیر ضیغم نے کہا کہ آئندہ 18 سے 24 گھنٹوں میں یہ ہوا کا کم دباؤ مزید کمزور ہو کر ڈپریشن میں تبدیل ہوجائے گا، تاہم اس کے اثرات 10 ستمبر تک سندھ کے جنوبی اضلاع پر برقرار رہیں گے۔
ان کا کہنا تھا کہ مون سون اسپیل کے زیراثر کراچی میں اربن فلڈنگ کا خطرہ ہے جبکہ تھرپارکر، عمرکوٹ، میرپور خاص، سانگھڑ، خیرپور اور شہید بے نظیرآباد میں بھی موسلادھار بارشیں متوقع ہیں۔
موسلا دھا ر بارش کے پیش نظر نشیبی علاقے زیر آب آنے کا خدشہ ہے جبکہ بلوچستان میں بارشوں کے نتیجے میں حب ڈیم کے بھرنے کا امکان ہے۔
دوسری جانب محکمہ موسمیات نے کراچی میں گزشتہ روز سے گزشتہ روز سے اب تک ہونے والی بارش کے اعداد و شمار جاری کردئیے ہیں، ریکارڈ کے مطابق سب سے زیادہ بارش کورنگی میں 8 ملی میٹر ریکارڈ ہوئی