شہر میں ریکارڈ توڑ بارشوں کے بعد ڈپٹی کمشنر گجرات کی جانب سے دعویٰ کیا گیا ہے کہ گجرات کا 20 فیصد حصہ پانی میں ڈوب چکا ہے۔
تفصیلات کے مطابق گجرات شہر میں 526 ملی میٹر کی مسلسل برسات نے ہر طرف تباہی مچادی ہے، گلی محلے نہ صرف دریاؤں کا منظر پیش کررہے ہیں بلکہ شہر کے تقریباً تمام علاقوں میں پانی داخل ہوچکا ہے اور لوگ چھتوں اور اوپر لے فلور میں محصور ہوگئے ہیں۔
گجرات شہرمیں بارش کے بعد 6 نالے بپھر گئے ہیں، قمرسیالوی روڈ نالہ اوورفلو ہونے سے پانی شہر میں داخل ہوگیا، سیلابی پانی گاؤں لوراں مدینہ اور سیداں کچہری چوک میں جمع ہے۔
ڈپٹی کمشنر گجرات نے بتایا کہ شہر کا 20فیصد حصہ پانی میں ڈوب چکا ہے، قمرسیالوی روڈ، محلہ شفیع آباد، شاہ حسین میں پانی داخل ہو گیا ہے۔
انھوں نے شہر کو برساتی پانی سے محفوظ بنانے کے اقدامات کے حوالے سے بتایا کہ کلیے ماجراپلی سے نالہ بھنڈر تک ڈیڑھ کلومیٹرتک خندق کھودی گئی ہے۔
ڈی سی کا کہنا تھا کہ 70 فیصد پانی نالہ بھنڈر کی طرف موڑنے میں کامیاب ہوگئے ہیں، مالو کھوکھراں کی طرف بھی شگاف ڈالا گیا ہے
