پاکستان میں تیل اور گیس کے نئے ذخائر دریافت کرلیے گئے ہیں۔

پی پی ایل کی جانب سے جاری کردہ اعلامیے کے مطابق پوٹھوہار ریجن میں ڈھوک سلطان تین سے تیل و گیس دریافت کی گئی ہے۔
سلطان 3 سے 2113 بیرل یومیہ 4.13 ایم ایم سی ایف ڈی گیس دریافت کی گئی۔
تیل و گیس کی یہ دریافت پوٹھوہار خطے میں تیل کی دوسری گہری دریافت ہے، یہ پیش رفت پوٹھوہار کوہاٹ ذیلی بیسن میں ہائیڈرو کاربن کی موجودگی کی نشاندہی کرتی ہے۔
واضح رہے کہ چند ماہ قبل امریکا کے صدر ڈونلڈ ٹرمپ کا کہنا تھا کہ امریکہ اور پاکستان کے درمیان پاکستان کے تیل کے وسیع ذخائر نکالنے کے لیے ایک معاہدہ طے پا گیا۔
یہ پڑھیں: پاکستان میں تیل اور گیس کا ایک اور بڑا ذخیرہ دریافت
سوشل میڈیا ویب سائٹ ’ٹروتھ سوشل‘ پر جاری ایک پیغام میں امریکی صدر کا کہنا تھا کہ واشنگٹن کا اسلام آباد کے ساتھ ایک معاہدہ طے پایا، جس کے تحت دونوں ممالک مل کر پاکستان کے تیل کے وسیع ذخائر کو قابل بازیافت ذخائر میں تبدیل کرنے کے لیے مل کر کام کریں گے۔
ان کا کہنا تھا کہ فی الحال ’ہم آئل کمپنی کا انتخاب کرنے کے عمل میں ہیں جو اس پارٹنرشپ کو لیڈ کرے گی۔‘ ٹرمپ کا کہنا تھا کہ ’کون جانتا ہے، شاید وہ کسی دن انڈیا کو تیل بیچ رہے ہوں گے۔‘
یہ بیان ایک ایسے وقت میں سامنے آیا تھا جب پاکستان میں تیل اور گیس کی مقامی پیداوار میں گزشتہ چند سال میں مسلسل کمی ریکارڈ کی جا رہی ہے جس کی وجہ سے مقامی طلب کو پورا کرنے کے لیے بیرون ملک سے ان مصنوعات کی درآمدات میں اضافہ ہوا