پولیس حکام کے مطابق گاڑیوں پر فائرنگ اور 10شہریوں کو اغوا کرنے کا مقدمہ تھانہ بھونگ میں درج کیا گیا جس میں اندھڑگینگ، شر گینگ، کوش، بکھرانی گینگ سمیت 40 سے زائد ڈاکو نامزد کیے گئے ہیں۔
مقدمے میں اغوا برائے تاوان، اقدام قتل، دہشت گردی سمیت 9 سنگین دفعات شامل ہیں۔
موٹروے ایم فائیو پر کچے کے ڈاکوؤں کی گاڑیوں پر اندھا دھند فائرنگ، 3 افراد زخمی، 10 اغوا
ایف آئی آر کے متن میں کہا گیا ہے کہ کچے کے 40 سے زائد مسلح ڈاکوؤں نے سکھر ملتان موٹر وے پر حملہ کیا اور متعدد گاڑیوں پر فائرنگ کی، مسلح ڈاکو موٹر وے سے 10 مسافروں کو اغوا کر کے لے گئے۔
ڈاکوؤں کی فائرنگ سے 5 افرد زخمی بھی ہوئے جب کہ ٹریلر، مسافر بس، ایمبولینس سمیت 14 گاڑیوں کے شیشے ٹوٹے اور ٹائر برسٹ ہوئے۔
پولیس کا کہنا ہے کہ گزشتہ روز کچے کے ڈاکوؤں کے ٹھکانوں پر ڈرون حملہ کیا گیا تھا۔
پولیس حکام کے مطابق واقعے کی تحقیقات جاری ہیں اور اغواکاروں کا سراغ لگانے کے لیے کارروائی تیز کر دی گئی ہے
