یوکرینی صدر ولادیمیر زیلنسکی اور یورپی رہنماؤں کی پیرس میں ملاقات کل متوقع ہے۔
بین الاقوامی میڈیا رپورٹس کے مطابق پیرس اجلاس میں یوکرین کےلیے سیکیورٹی گارنٹیز کی تفصیلات طے ہونے کا امکان ہے۔
فرانسیسی صدر میکرون کا کہنا ہے کہ یوکرین کیلئے سیکیورٹی گارنٹیز پر تفصیلات طے ہو چکی ہیں، یوکرین کے لیےسیکیورٹی گارنٹیز انتہائی خفیہ رکھی گئی ہیں اگر امن معاہدہ ہوتا ہے تو یورپ یوکرین کو سیکیورٹی گارنٹیز دینے کو تیار ہے۔
ادھر ترجمان روسی وزارت خارجہ نے مشرقی اکنامک فورم ولادی ووستک کے موقع پر گفتگو کرتے ہوئے کہا کہ یورپی رہنما یوکرین میں ملٹی نیشنل فورس تعینات کرنےکی منصوبہ بندی کر رہے ہیں، یورپی کمیشن صدر نے رواں ہفتے یوکرین میں فورس کی منصوبہ بندی کا ذکر کیا تھا۔
روسی وزارت خارجہ نے اعلان کیا ہے کہ یوکرین میں غیرملکی افواج پر کسی بھی فارمیٹ میں بات نہیں ہو گی یوکرین میں غیرملکی فورس کی تعیناتی ناقابل قبول ہے، روس یوکرین میں غیرملکی مداخلت پر کسی شکل میں بات نہیں کرے گا
