رویت ہلال کمیٹی کے چیئرمین مولانا عبدالخبیر آزاد کی زیر صدارت کراچی سمیت ملک کے مختلف شہروں میں اجلاس منعقد ہوا۔
اجلاس میں بتایا گیا کہ پاکستان کے بیشتر شہروں میں موسم ابر آلود رہا اور کسی بھی مقام سے ربیع الاول کا چاند نظر آنے کی شہادت موصول نہیں ہوئی۔ اس بنا پر متفقہ طور پر فیصلہ کیا گیا کہ یکم ربیع الاول 26 اگست (بروز منگل) جبکہ 12 ربیع الاول 6 ستمبر (بروز ہفتہ) ہوگی۔
مولانا عبدالخبیر آزاد نے عوام پر زور دیا کہ وہ بارہ ربیع الاول کے موقع پر بڑھ چڑھ کر اہتمام کریں
چیئرمین رویت ہلال کمیٹی نے دعا کی کہ اللہ تعالیٰ پاکستان کو مزید مضبوط کرے اور ہماری افواج سمیت ملکی دفاع کو تقویت عطا فرمائے۔
