ملک کے مختلف شہروں میں چینی کی قیمت میں اضافہ ہو گیا

ادارہ شماریات کے مطابق مختلف شہروں میں چینی کی فی کلو اوسط قیمت میں 10 روپے کا اضافہ ریکارڈ کیا گیا۔

ادارہ شماریات کے جاری کردہ اعدادوشمار کے مطابق پشاور، کراچی، اسلام آباد اور راولپنڈی میں چینی فی کلو 160 روپے میں فروخت ہو رہی ہے۔

لاہور، گوجرانوالہ، سیالکوٹ اور خضدارمیں چینی کے نرخ 155 روپے کلو، فیصل آباد، ملتان، لاڑکانہ، بنوں اور کوئٹہ میں 150 روپے کلو ہیں۔

چینی حیدرآباد میں 148 روپے، بہاولپور اور سکھر میں 145 روپے کلو فروخت ہو رہی ہے، ملک میں چینی کے اوسط نرخ 150 روپے 43 پیسے فی کلو تک پہنچ گئے ہیں۔