کراچی میں کے الیکٹرک کے خلاف تین مقامات پر عوام سڑکوں پر نکل آئے اور احتجاج کیا۔
رہنمانیوز کے مطابق گارڈن پولیس ہیڈ کوارٹر کے قریب کے الیکٹرک کے خلاف عوام نے احتجاج کیا، مشتعل مظاہرین کے الیکٹرک کے دفتر پر پتھراؤ کیا۔
ٹریفک پولیس کا کہنا ہے کہ گارڈن سے ایم اے جناح روڈ آنے اور جانے والی دونوں سڑکیں بند ہیں۔
ادھر عسکری پارک پرانی سبزی منڈی کے قریب مکینوں نے بجلی و پانی نہ ہونے پر احتجاج کیا ہے جس کی وجہ سے یونیورسٹی روڈ، جیل چورنگی سے حسن اسکوائر جانے والی سڑک بند کردی گئی۔
لسبیلہ پر بجلی کی بندش کے خلاف عوام سراپا احتجاج ہیں، مظاہرین نے گرومندر جانے والے دونوں ٹریک بند کردیے۔
ترجمان کے الیکٹرک کا مؤقف
دوسری جانب ترجمان کے الیکٹرک کا کہنا ہے کہ پرانی سبزی منڈی اور اطراف میں نادہندگان کی بجلی منقطع کی گئی، نادہندگان پر واجب الادا رقم 45 کروڑ سے تجاوز کرچکی ہے۔
ترجمان کا کہنا ہے کہ مفت بجلی کی سپلائی ممکن نہیں، علاقہ معززین کی جانب سے جلد ادائیگیوں کی یقین دہانی پر سپلائی بحال کی جارہی ہے۔
کے الیکٹرک کا کہنا ہے کہ بروقت بجلی بلوں کی ادائیگی علاقے میں لوڈشیڈنگ میں کمی یا خاتمے کا اہم جز ہے۔
کے الیکٹرک کے خلاف تین مقامات پر عوام سڑکوں پر نکل آئی۔
