ریلویز پولیس ملتان نے ایمانداری کی ایک بڑی مثال قائم کردی۔
ملتان کے ریلوے اسٹیشن پر ایک شہری کا قیمتی بیگ کھوجانے پر اسے ریلوے پولیس کی جانب سے باحفاظت لوٹا دیا گیا۔
ذرائع کے مطابق محیب اللہ نامی مسافر پاکستان ایکسپریس پر کراچی سے بہاولپور سفر کر رہا تھا، مسافر بہاولپور اسٹیشن پر اترتے وقت اپنا بیگ ٹرین میں ہی بھول گیا۔
بیگ میں 4 لاکھ روپے کے علاوہ قیمتی سامان بھی موجود تھا۔ مسافر کی جانب سے بیگ ٹرین میں رہ جانے کی اطلاع ڈیوٹی پر معمور اہلکار عارف کو دی گئی۔
اسٹیشن پر اہلکار اکرم اور حارث نے مسافر کا قیمتی بیگ ٹرین سے ڈھونڈ نکالا اور شہری کو باحفاظت واپس کر دیا۔
مسافر محیب اللہ نے ریلویز پولیس کی دیانتداری اور فرض شناسی پر شکریہ ادا کیا
