کراچی: شہر کے علاقے کریم آباد پل پر ٹریفک حادثے میں واٹر ٹینکر کی ٹکر سے ایک موٹر سائیکل سوار شدید زخمی ہوگیا۔ ریسکیو حکام کے مطابق زخمی شخص کو فوری طور پر عباسی شہید اسپتال منتقل کر دیا گیا، جہاں اسے طبی امداد فراہم کی جا رہی ہے۔
ریسکیو حکام کا کہنا ہے کہ زخمی نوجوان کی عمر تقریباً 28 سال ہے، تاہم فوری طور پر اس کی شناخت نہیں ہو سکی۔ حادثے کے بعد موقع پر موجود مشتعل افراد نے ٹینکر ڈرائیور کو تشدد کا نشانہ بنایا اور گاڑی کے شیشے بھی توڑ دیے۔ واقعے کے بعد پولیس نے صورتحال پر قابو پا لیا جبکہ حادثے کی مزید تحقیقات جاری ہیں۔
