کویتی وزارت دفاع نے اعلامیہ جاری کرتے ہوئے کہا ہے کہ فضائی دفاعی نظام نے رات گئے دشمن کی جانب سے داغے گئے میزائلوں اور ڈرونز کو کامیابی سے فضا میں تباہ کر دیا۔ وزارت کے مطابق مختلف علاقوں میں سنے جانے والے زوردار دھماکے دفاعی نظام کی کارروائی کا نتیجہ تھے۔
دوسری جانب کویتی سول ایوی ایشن اتھارٹی نے تصدیق کی ہے کہ ایرانی ڈرون اور میزائل حملوں کے بعد کویت انٹرنیشنل ایئرپورٹ پر ہنگامی حالت نافذ کر دی گئی ہے۔
اتھارٹی کے مطابق حملوں کے نتیجے میں ایئرپورٹ کی متعدد تنصیبات کو نقصان پہنچا ہے جبکہ زخمیوں کی اطلاعات بھی موصول ہوئی ہیں۔ صورتحال کے پیش نظر تمام پروازیں اگلے حکم تک معطل کر دی گئی ہیں اور کئی پروازوں کا رخ متبادل ایئرپورٹس کی جانب موڑ دیا گیا ہے۔
حکام کا کہنا ہے کہ صورتحال کا مسلسل جائزہ لیا جا رہا ہے اور مسافروں کی حفاظت کو یقینی بنانے کے لیے ضروری اقدامات کیے جا رہے ہیں۔
