وزیراعظم شہباز شریف نے کہا ہے کہ عام آدمی کو اپنی چھت فراہم کرنا حکومت کی اولین ترجیح ہے، اسی مقصد کے تحت ’’وزیراعظم اپنا گھر اسکیم‘‘ کا آغاز کیا گیا ہے۔ وزیراعظم کی زیر صدارت اسکیم پر پیشرفت کا جائزہ اجلاس منعقد ہوا، جس میں ہاؤسنگ منصوبوں اور فنانسنگ سے متعلق اقدامات کا تفصیلی جائزہ لیا گیا۔
اجلاس سے خطاب کرتے ہوئے وزیراعظم نے ہدایت کی کہ ’’اپنا گھر اسکیم‘‘ پر کام کی رفتار مزید تیز کی جائے اور سرکاری و نجی بینک منصوبے کی کامیابی کے لیے زیادہ سے زیادہ فنانسنگ فراہم کریں۔ انہوں نے عمودی اور افقی ہاؤسنگ منصوبوں کے لیے جامع حکمت عملی مرتب کرنے کی بھی ہدایت جاری کی۔
