سرگودھا میں ایک لڑکے کو مبینہ طور پر اغوا کرکے تشدد کا نشانہ بنانے اور زندہ دفن کرنے کی کوشش کے الزام میں پولیس نے تین ملزمان کو گرفتار کر لیا۔
پولیس کے مطابق متاثرہ لڑکے سے ملزم قمر نے تقریباً 20 روز قبل مبینہ زیادتی کی تھی۔ متاثرہ لڑکے نے جب اس واقعے کی شکایت ملزم کے بھائیوں سے کی تو انہوں نے الٹا اسے اغوا کر کے تشدد کا نشانہ بنایا اور مبینہ طور پر زندہ دفن کرنے کی کوشش بھی کی۔ پولیس کا کہنا ہے کہ تینوں ملزمان کو گرفتار کر کے مقدمہ درج کر لیا گیا ہے جبکہ واقعے کی مزید تحقیقات جاری ہیں۔
