آبنائے ہرمز کی بندش سے دنیا کی تاریخ میں تیل کی قیمت کا نیا ریکارڈ: علی پرویز ملک

وزیرِ پیٹرولیم علی پرویز ملک نے کہا ہے کہ آبنائے ہرمز کی بندش کے باعث عالمی توانائی سپلائی شدید متاثر ہوئی، جس کے اثرات پاکستان پر بھی پڑے۔ اسلام آباد میں تقریب سے خطاب کرتے ہوئے انہوں نے بتایا کہ دنیا کی تاریخ میں پہلی بار دبئی کے خام تیل کی قیمت 170 ڈالر فی بیرل تک پہنچ گئی، جبکہ پیٹرول اور ڈیزل کی قیمتوں میں بھی ریکارڈ اضافہ ہوا۔ انشورنس اور سیکیورٹی اخراجات بڑھنے سے پاکستان کو اضافی ادائیگیاں کرنا پڑیں۔ انہوں نے کہا کہ مستقبل کے توانائی بحران سے نمٹنے کیلئے حکومت نے مستقل پیٹرولیم ذخائر قائم کرنے کی منصوبہ بندی مکمل کر لی ہے، جس پر تقریباً 30 کروڑ ڈالر خرچ ہوں گے۔