وجوہات کی بنیاد پر وینزویلا سے خوش نہیں: ڈونلڈ ٹرمپ

واشنگٹن(24 اکتوبر 2025): امریکی صدر ڈونلڈ ٹرمپ کا کہنا ہے کہ مختلف وجوہات کی بنیاد پر وینزویلا سے خوش نہیں ہوں۔
امریکی صدر ڈونلڈ ٹرمپ سے وینزویلا کے قریب امریکی بی ون طیاروں کی کارروائی سے متعلق سوال کیا گیا، امریکی صدر سے پوچھا گیا کہ کہا وینزویلا پر بی ون طیاروں سے کارروائی کی گئی ہے؟
جس پر امریکی صدر نے کہا وینزویلا کے قریب بی ون بمبار طیاروں کی رپورٹ درست نہیں ہے لیکن جرائم پیشہ افراد کو امریکا بھیجنے پر وینزویلا سے سخت ناخوش ہوں۔
امریکی صدر ڈونلڈ ٹرمپ کا مزید کہنا تھا کہ کولمبیا منشیات کا گڑھ بن چکا ہے، جہاں کے حکمراں اچھے نہیں ہیں، میکسیکو کی صدر اچھی خاتون ہیں لیکن وہ بھی ڈرگ کارٹل کے آگے بے بس ہیں، میکسیکو کو بھی ڈرگ کارٹل چلا رہے ہیں۔
واضح رہے کہ وینزویلا اور امریکی صدر ڈونلڈ ٹرمپ کے درمیان تعلقات شدید تناؤ کا شکار ہیں، یہ اختلافات بنیادی طور پر وینزویلا کے صدر نکولس مدورو کی حکومت کی طرف سے مبینہ منشیات کی اسمگلنگ، انسانی حقوق کی خلاف ورزیوں، انتخابات میں دھاندلی، اور امریکا میں وینزویلا سے ہجرت کرنے والوں کی بڑھتی ہوئی تعداد پر مبنی ہیں۔
ماہرین کے مطابق یہ تناؤ مدورو کی حکومت کا خاتمہ یا طویل بحران کا باعث بن سکتا ہے، ٹرمپ کے حامیوں میں بھی “فار ور” کی مخالفت بڑھ رہی ہے، جبکہ وینزویلا کی معیشت مزید تباہ ہو رہی ہے، ٹرمپ کی حکمت عملی کامیاب ہونے کی صورت میں علاقائی استحکام آ سکتا ہے۔