لاہور میں معروف یوٹیوبر اور فیملی ولاگر رجب بٹ کے گھر کی ایک ویڈیو سوشل میڈیا پر وائرل ہو گئی ہے جس میں کم عمر بچے کو صفائی کرتے دکھایا گیا
ویڈیو سامنے آنے کے بعد سوشل میڈیا پر شدید ردعمل دیکھنے میں آیا اور متعدد صارفین نے اسے چائلڈ لیبر قرار دیتے ہوئے تنقید کی، صارفین کا کہنا ہے کہ کم عمر بچوں سے مشقت لینا قانوناً جرم ہے جبکہ کئی افراد نے سوال اٹھایا کہ ایک معروف سوشل میڈیا شخصیت کے گھر میں ایسا واقعہ کیسے پیش آیا، واقعے کے بعد یہ معاملہ سوشل میڈیا پر بحث کا موضوع بن گیا ہے۔
