سندھ پولیس کے رویے کیخلاف قرارداد مشترکہ طور پر بلوچستان اسمبلی میں منظور

کراچی میں مقیم شہریوں سے سندھ پولیس کے رویے کیخلاف قرارداد مشترکہ طور پر بلوچستان اسمبلی میں منظور کر لی گئی۔
قرارداد کے متن میں کہا گیا ہے کہ اہلیان بلوچستان سے کراچی اور سندھ کے دیگر علاقوں میں سندھ پولیس رشوت لیتی ہے بلوچستان کے لوگوں کو لینڈمافیا اور پولیس ہراساں کر رہی ہے۔
ارکان اسمبلی کی تجویز پر سندھ حکومت سے رابطہ کیلئے پارلیمانی کمیٹی بنانے کا فیصلہ کیا جائے۔
پیپلزپارٹی ارکان نے مؤقف اپنایا کہ کسی قومیت کیخلاف کارروائی نہیں ہو رہی اور ادارے غیرقانونی مقیم غیر ملکیوں کیخلاف کارروائی کر رہے ہیں۔
علی حسن زہری نے کہا کہ مقامی لوگوں سے متعلق شکایات کی تفصیل دیں، صدر اور وزیراعلیٰ سے خود بات کروں گا۔
علاوہ ازیں فضائی کرایوں میں غیرمعمولی اضافے سے متعلق قرارداد پیش کر دی گئی۔ رکن صوبائی اسمبلی شاہدہ رؤف کی جانب سے پیش کردہ قرارداد میں کہا گیا ہے کہ سہولتیں فراہم کرنے کے بجائے کرایوں میں اضافہ کر دیا گیا، کوئٹہ سے اسلام آباد کا کرایہ 75ہزار سے زائد ہے جب کہ کراچی سے اسلام آباد تک کرایہ 15 سے 20 ہزار ہے۔
شاہد رؤف نے کہا کہ ایمرجنسی میں کہیں جانا ہے تو ٹکٹ تک نہیں ملتا، کوئٹہ سے صرف پی آئی اے اور ایک نجی ایئر کی فلائٹس چل رہی ہیں۔