صدر ٹرمپ نے چینی صدر شی جن پنگ کو عظیم رہنما قرار دے دیا

بوسان :صدر ٹرمپ نے چینی صدر شی جن پنگ کو عظیم رہنما قرار دے دیا اور کہا واشنگٹن اور بیجنگ کے درمیان بہت سے اہم نکات پراتفاق ہو گیا ہے۔
تفصیلات کے مطابق امریکی صدر ٹرمپ نے ایئر فورس ون پر صحافیوں سے گفتگو کرتے ہوئے چینی صدر شی جن پنگ سے ملاقات کو زبردست قرار دے دیا۔
امریکی صدر کا کہنا تھا کہ چینی صدر ایک عظیم رہنما ہیں ، واشنگٹن اور بیجنگ کے درمیان بہت سے اہم نکات پراتفاق ہو گیا ہے، چین امریکا سے بڑی مقدار میں سویابین خریدنا شروع کر دے گا۔
یاد رہے جنوبی کوریا کے شہر بوسان میں چینی اور امریکی صدور کے درمیان 6 سال بعد ملاقات ہوئی ، ملاقات ایک گھنٹے 40 منٹ جاری رہی۔
ملاقات کے بعد صدر ٹرمپ ائیر فورس ون طیارے میں سوار ہوکر روانہ ہوگئے۔
خیال رہے دونوں رہنماؤں کی یہ 2019 کے بعد پہلی آمنے سامنے ملاقات تھی، جسے عالمی تجارت کے مستقبل کے لیے نہایت اہم تصور کیا جا رہا ہے۔
یہ ملاقات کئی برسوں کی کشیدگی کے بعد دونوں ممالک کے درمیان تعلقات کی بحالی کے لیے ایک اہم پیش رفت سمجھی جا رہی ہے۔