ریلوے حکام نے کہا ہے کہ سیلابی صورتحال کے باعث متعدد ٹرینیں منسوخ ہوگئیں جبکہ ٹرینوں کے شیڈول میں بھی تبدیلی ہوئی ہے۔

تفصیلات کے مطابق ملک میں موجودہ سیلابی صورتحال کے پیشن نظر ٹرینوں کی روانگی کو منسوخ کردیا گیا ہے، ریلوے حکام نے بتایا کہ سبک خرام 103-اپ اور اسلام آباد ایکسپریس 107-اپ منسوخ کردی گئی ہے، منسوخ ٹرینوں کے مسافروں کو ریفنڈ دیا جائے گا۔
ریلوے حکام نے کہا کہ گرین لائن 5-اپ کو لاہور تک محدود کر دیا گیا ہے، گرین لائن 5-اپ کے مسافر تیز گام 7-اپ میں ایڈجسٹ ہوں گے، تیز گام 7-اپ اب متبادل راستے سے راولپنڈی جائے گی۔
سیالکوٹ ایکسپریس 171-اپ/ 172-ڈاؤن منسوخ ہوگئی ہے، مسافروں کےلیے ریفنڈ کی سہولت دستیاب ہے، خیبر میل 1-اپ کو متبادل راستے سے پشاور پہنچایا جائےگا۔
ریلوے حکام نے کہا کہ جعفر، عوام، گرین لائن، تیز گام اور رحمان بابا کو متبادل راستوں پر منتقل کردیا گیا ہے، لاہور سے خانیوال جانے کے لیے شٹل ٹرینیں چلائی جائیں گی۔
تمام کراچی جانے والی ٹرینیں ساہیوال کے راستے معمول کے مطابق روانہ ہوں گی، ڈویژنل سپرنٹنڈنٹ کی ہدایت پر اسٹیشنز پر عملہ موجود رہے گا۔
لگتا ہے بھارت پانی جمع کر کے پاکستان بھیج رہا ہے تاکہ نقصان زیادہ ہو، احسن اقبال