پنجاب حکومت نے 9 مئی جی ایچ کیو حملہ کیس کا جیل ٹرائل بحال کردیا جس کا نوٹیفکیشن بھی جاری کردیا گیا ہے۔
رہنما نیوز کے مطابق انسداد دہشت گردی عدالت میں جی ایچ کیو حملہ کیس کی سماعت کا ٹرائل منسوخ کردیا گیا، پنجاب حکومت نے جیل ٹرائل کرنے کا نوٹیفکیشن بحال کردیا۔
جی ایچ کیو حملہ کیس کی سماعت کل اڈیالہ جیل میں ہونے کا امکان ہے، سپرنٹنڈنٹ اڈیالہ جیل نے پولیس اضافی سیکیورٹی کے لیے مراسلہ لکھ دیا۔
مراسلے کے مطابق 9 مئی جی ایچ کیو کیس کی سماعت کل اڈیالہ جیل میں مقرر ہے، جیل ٹرائل کے لیے فول پروف سیکیورتی انتظامات کیے جائیں۔
پنجاب حکومت نے 15 ستمبر کو کیس ٹرائل منتقل کرنے کا نوٹیفکیشن جاری کیا تھا، عمران خان کو اے ٹی سی راولپنڈی میں ویڈیو لنک پر پیش کیا گیا تھا۔
علاوہ ازین پراسیکیوٹر ظہیر شاہ نے کہا کہ مقدمے کی سماعت کل اڈیالہ جیل میں ہوگی، پراسیکیوشن ٹیم مقدمے میں کل تین گواہ پیش کرے گی، گواہان میں انسپکٹر یعقوب شاہ، ڈی ایس پی مرزا جاوید، انسپکٹر ناظم حسین شاہ شامل ہیں
