پاکستان ویمنز کرکٹ ٹیم نے تیسرے ون ڈے میں جنوبی افریقہ کو ہرادیا

لاہور: پاکستان ویمنز کرکٹ ٹیم نے عمدہ کھیل کا مظاہرہ کرتے ہوئے تیسرے ون ڈے میں جنوبی افریقہ کی خواتین کرکٹ ٹیم کو شکست دیدی۔
پاک جنوبی افریقہ ویمنز ون ڈے سیریز میں پاکستان کلین سویپ سے بچ گیا، پاکستان ویمنز کرکٹ ٹیم نے آخری مقابلے میں جنوبی افریقہ کو 6 وکٹوں سے شکست دے کر ٹیم کی لاج رکھ لی۔
پاکستان ویمنزٹیم نے 116 رنز کا ہدف 31ویں اوور میں 4 وکٹوں کے نقصان پر حاصل کیا، سدرہ امین 50 اور منیبہ علی 44 رنز بناکر نمایاں رہیں۔
جنوبی افریقہ ویمنز ٹیم نے 3 میچوں کی سیریز دو ایک سے اپنے نام کی، قومی ویمنز کرکٹ ٹیم کل آئی سی سی ورلڈ کپ کیلئے سری لنکا روانہ ہوگی۔
نشرہ سندھو نے ون ڈے کرکٹ میں اہم اعزاز حاصل کرلیا