وزارت مذہبی امور کے مطابق پاکستان کے کسی بھی شہر سے چاند کی شہادت موصول نہیں ہوئی لہٰذا یکم ربیع الثانی 25 ستمبر بروز جمعرات کو ہوگی۔
سپارکو نے پیشگوئی کی تھی کہ ربیع الثانی کا نیا چاند 22 ستمبر 2025 کو رات 12 بج کر 54 منٹ پر پیدا ہوگا اور 23 ستمبر کی شام سورج غروب ہونے تک چاند کی عمر 41 گھنٹے اور 54 منٹ ہوگی، جب کہ پاکستان کے ساحلی علاقوں میں چاند غروبِ آفتاب کے بعد تقریباً 46 منٹ تک افق پر موجود رہے گا، جس کے باعث رویت کے امکانات خاصے روشن ہیں۔
ماہرین کا کہنا تھا کہ اگر 23 ستمبر کی شام موسم صاف رہا تو نئے چاند کی رویت ممکن ہے اور اس صورت میں ربیع الثانی 1447 ہجری کا آغاز 24 ستمبر 2025 کو ہوگا۔
علاوہ ازیں چیئرمین رویت ہلال کمیٹی مولانا عبدالخبیر آزاد نے سعودی مفتی اعظم شیخ عبدالعزیز بن عبداللّٰہ آل الشیخ کے انتقال پر افسوس کا اظہار کیا۔
انہوں نے یہ بھی کہا کہ پاک سعودی عرب دفاعی معاہدے سے پوری امت کا دفاع ہوگا۔
مولانا عبدالخبیر آزاد نے کہا کہ پوری دنیا نے فلسطین کو آزاد ریاست تسلیم کیا ہے، اسرائیل کی ظلم و بربریت کا وقت ختم ہونے کو ہے
