پاکستان کے فاسٹ بولر شاہین آفریدی نے ٹی 20 میں شاداب خان کا ریکارڈ توڑ دیا۔ ایشیا کپ ٹی 20 میں سری لنکا کے خلاف میچ میں شاہین آفریدی نے ابتدائی دو وکٹیں حال کرکے شاداب خان کا وکٹوں کا ریکارڈ توڑا۔
شاہین آفریدی نے 90 میچوں میں 113 وکٹیں حاصل کرکے یہ ریکارڈ اپنے نام کیا ہے، شاداب کی وکٹوں کی 111 میچوں میں تعداد 112 ہے۔
فاسٹ بولر نے ٹاپ آرڈرز بیٹر پتھم نسانکا اور کوشل مینڈس کی وکٹیں حاصل کیں۔
فہرست میں حارث رؤف 92 اننگز میں 128 وکٹوں کے ساتھ سرفہرست ہیں، شاہین آفریدی 90 اننگز میں 113 وکٹوں کے ساتھ دوسرے، شاداب خان 104 اننگز میں 112 وکٹ کے ساتھ تیسرے نمبر پر موجود ہیں۔
شاہد آفریدی نے 96 اننگز میں 97 وکٹیں حاصل کی ہیں جبکہ سعید اجمل کی 60 میچوں میں وکٹوں کی تعداد 85 ہے۔
واضح رہے کہ پاکستان اور سری لنکا کا میچ دونوں ٹیمیں کے لیے اہم ہیں، پاکستان کو بھارت سے شکست ہوئی جبکہ سری لنکا کو بنگلادیش نے ہرایا تھا۔
سری لنکا کی ٹیم کم رن ریٹ کی وجہ سے پوائنٹس ٹیبل پر تیسرے نمبر پر موجود ہے
