پاک بھارت جنگ میں 8 طیارے گرائے گئے، ٹرمپ کا نیا دعویٰ

: امریکی صدر ڈونلڈ ٹرمپ نے ایک بار پھر پاک بھارت جنگ کا ذکر کرتے ہوئے جنگ میں آٹھ طیارے گرائے جانے کا نیا دعویٰ کردیا۔
تفصیلات کے مطابق امریکی صدر ڈونلڈ ٹرمپ نے بھارت اور پاکستان کے درمیان کشیدگی پر گفتگو کرتے ہوئے دعویٰ کیا ہے کہ پاک بھارت جنگ کے دوران آٹھ طیارے گرائے گئے۔
ایک تقریب سے خطاب میں ٹرمپ نے کہا کہ “کچھ اخبارات میں آیا کہ سات یا آٹھ طیارے گرائے گئے، میں کسی اخبار کا نام نہیں لوں گا، کیونکہ زیادہ تر جھوٹی خبریں دیتے ہیں، لیکن حقیقت یہ ہے کہ جنگ کے دوران آٹھ طیارے گرائے گئے۔”
ٹرمپ نے مزید کہا کہ انہوں نے پاکستان اور بھارت دونوں ممالک کو خبردار کیا تھا کہ اگر جنگ کرو گے تو تجارت نہیں کریں گے، جس پر دونوں نے امن پر رضامند ہوئے۔
ان کا کہنا تھا کہ اپنی صدارت کے دوران محض آٹھ ماہ میں آٹھ جنگوں کا خاتمہ کیا، جن میں کوسوو، سربیا، کانگو اور روانڈا جیسے خطے شامل تھے۔
امریکی صدر نے کہا کہ ان کی قیادت میں امریکہ نے مختصر مدت میں کئی تنازعات ختم کیے، جبکہ وہ چین، جاپان، بھارت اور پاکستان کے ساتھ تجارتی مذاکرات کے عمل میں بھی مصروف تھے۔