ڈینگی سے مزید 4 افراد جاں بحق، نئے کیسز رپورٹ

محکمہ صحت سندھ کے جاری کردہ تازہ اعداد و شمار میں بتایا گیا ہے کہ اب تک صوبے میں ڈینگی بخار سے 20 افراد جاں بحق ہو چکے ہیں، جن میں سے 4 اموات گزشتہ 24 گھنٹوں میں رپورٹ ہوئیں جبکہ ایک ہی دن میں 1200 سے زائد نئے کیسز سامنے آئے ہیں۔سرکاری اعداد و شمار کے مطابق نومبر میں اب تک ڈینگی سے 7 مریض جاں بحق ہو چکے ہیں، جن میں سے 5 حیدرآباد، ایک ٹنڈو اللہ یار اور ایک موت کراچی کے ضلع کیماڑی میں واقع ہوئی۔صوبائی سیکریٹری صحت ریحان بلوچ نے ایک وضاحتی بیان میں کہا کہ ان مریضوں میں سے کئی کو پہلے سے سنگین طبی مسائل لاحق تھے، جس کی وجہ سے ان کی حالت مزید خراب ہوئی۔