این سی سی آئی اے:افسران پر کرپشن کے الزامات

اسلام آباد: این سی سی آئی اے کے افسران پر کرپشن کے الزامات سامنے آنے کے بعد ان تمام کیسز پر ہونے والی تحقیقات رک گئیں۔
تفصیلات کے مطابق ذرائع نے بتایا کہ انکوائری کیلئے مجاز افسر نہ ہونے پر تمام کیسز کی تحقیقات رک گئیں، این سی سی آئی اے کے 10 افسران کے نام اسٹاپ لسٹ میں شامل کردیے گئے ہیں، کرپشن کے پیسے کو بٹ کوائن، کرپٹو کرنسی میں تبدیل کرنے کا بھی انکشاف سامنے آیا ہے۔
افسروں کی اندرون اور بیرون ملک جائیدادوں کی تفصیلات حاصل کرنے کا فیصلہ، کنٹریکٹ پر تعینات افسران کو نوکریوں سے برطرف کرنے پر غور کیا جارہا ہے۔
کرپشن کیسز میں الزماات کا سامنا کرنے والے افسران سے متعلق ذرائع کا مزید کہنا تھا کہ این سی سی آئی اے کے تمام افسران کی بیرون ملک سفری تفصیلات حاصل کرلی گئیں۔
ذرائع نے بتایا کہ کرپشن سے حاصل رقم بٹ کوائن، کرپٹو کرنسی میں تبدیل کرنے کی بھی انکوائری جاری ہے، بیرون ملک بٹ کوائن اور کرپٹو کے ذریعے پیسہ ترسیل کے شواہد بھی مل گئے ہیں۔