نئے گیس کنکشنز کے لئے درخواستوں کی بھرمار ، سسٹم بیٹھ گیا

لاہور: نئے گیس کنکشنز کے لیے چار لاکھ سے زائد درخواستیں موصول ہوگئیں تاہم نئے کنکشنز لگانے سے متعلق حتمی فیصلہ تاحال نہیں کیا گیا۔
تفصیلات کے مطابق سوئی ناردرن گیس کمپنی کے سسٹم پر نئے کنکشنز کھلتے ہی ارجنٹ درخواستوں کی بھرمار ہوگئی، جس کے باعث سسٹم دباؤ کا شکار ہے۔
ذرائع نے بتایا کہ صرف چند روز میں لاہور ریجن میں چار لاکھ سے زائد آر ایل این جی کنکشن کی درخواستیں موصول ہوچکی ہیں۔ درخواستوں کی غیر معمولی تعداد کے باعث سروے اسٹاف کی شدید کمی کا سامنا ہے۔
ذرائع کا کہنا تھا کہ بڑھتی ہوئی درخواستوں کے باوجود نئے کنکشنز لگانے سے متعلق حتمی فیصلہ تاحال نہیں کیا گیا۔
سوئی ناردرن گیس حکام کا کہنا ہے کہ پہلے مرحلے میں صرف سروے کیے جائیں گے، تاکہ درخواستوں کی جانچ پڑتال مکمل ہونے کے بعد اگلے مرحلے میں کنکشن کی منظوری دی جا سکے