آسٹریلیا نے بھارت کو دوسرے ٹی 20 میچ میں 4 وکٹوں سے شکست دے دی۔
میلبرن میں کھیلے گئے میچ میں آسٹریلیا نے بھارت کی جانب سے دیا جانے والا 126 رنز کا ہدف 13.2 اوورز میں 6 وکٹوں کے نقصان پر حاصل کرلیا، جوش ہیزل ووڈ کو 13 رنز کے عوض تین وکٹیں حاصل کرنے پر میچ کا بہترین کھلاڑی قرار دیا گیا۔
کپتان مچل مارش 46 رنز بنا کر نمایاں رہے، ٹریوس ہیڈ نے 15 گیندوں پر 28 رنز کی اننگ کھیلی، جوش انگلس 20 رنز بنا کر کلدیپ یادیو کا نشانہ بنے۔
مچل اوین 14 رنز بنا کر آؤٹ ہوئے، مارکس اسٹوئنس 6 رنز کے ساتھ ناٹ آؤٹ رہے۔
بھارت کی جانب سے جسپریت بمراہ، ورون چکرورتی اور کلدیپ یادیو نے دو، دو وکٹیں حاصل کیں۔
اس سے قبل بھارت کی ٹیم پہلے بیٹنگ کرتے ہوئے 18.4 اوورز میں 126 رنز پر آؤٹ ہوگئی تھی، اوپنر ابھیشیک شرما کی 37 گیندوں پر 68 رنز کی اننگ رائیگاں گئی۔
کپتان سوریا کمار یادیو ایک رن بنا کر پویلین لوٹ گئے، شبھمن گل 5 رنز بناسکے، ہرشیت رانا نے 35 رنز بنائے۔
آسٹریلیا کی جانب سے جوش ہیزل ووڈ نے چار اوورز میں 13 رنز دے کر تین وکٹیں حاصل کیں، زیویر بارٹلیٹ اور نیتھن ایلس نے دو، دو وکٹیں حاصل کیں
