محکمہ موسمیات : جمادی الاول کا چاند نظر آنے کے حوالے سے اہم پیش گوئی

اسلام آباد : محکمہ موسمیات کی جانب سے جمادی الاول کا چاند نظر آنے کے حوالے سے اہم پیش گوئی سامنے آگئی۔
تفصیلات کے مطابق محکمہ موسمیات نے جمادی الاول کے چاند کے حوالے سے پیش گوئی کردی، جس میں بتایا گیا چاند 21 اکتوبر کو شام 5 بجکر 25 منٹ پر پیدا ہوگا اور امکان ہے کہ چاند 23 اکتوبر جمعرات کی شام نظر آجائے۔
محکمہ موسمیات کا کہنا ہے کہ کراچی میں 23 اکتوبر کو سورج 5 بجکر 58 منٹ پر جبکہ چاند 6 بجکر 54 منٹ پر غروب ہوگا اور اس روز چاند کی عمر 48 گھنٹے 57 منٹ اور بلندی 10.2 درجے ہوگی۔
محکمہ موسمیات نے مزید کہا کہ اگر چاند کی عمر کم از کم 19 گھنٹے اور بلندی 5 درجے سے زیادہ ہو تو رویت ممکن ہوتی ہے۔
اسی بنیاد پر امکان ظاہر کیا گیا ہے کہ جمادی الاول کا چاند 23 اکتوبر کو نظر آسکتا ہے۔