مشہور و معروف جوڑی کترینہ کیف اور وکی کوشل، پہلے بچے کی پیدائش کا اعلان

بھارتی فلم انڈسٹری کی مشہور و معروف جوڑی کترینہ کیف اور وکی کوشل نے اپنے پہلے بچے کی پیدائش کا اعلان کر دیا۔
اپنی انسٹاگرام پوسٹ کے ذریعے کترینہ کیف کے شوہر وکی کوشل نے بیٹے کی پیدائش کی خوشخبری اپنے چاہنے والوں کو سنائی۔
خبر سامنے آنے کے بعد بھارتی فلم انڈسٹری سے جڑے افراد اور مداحوں کی جانب سے مبارکباد اور نیک تمناؤں کا اظہار کیا جارہا
واضح رہے کہ یہ جوڑا 9 دسمبر 2021 کو راجستھان میں شادی کے بندھن میں بندھا تھا۔ کترینہ کیف کے حاملہ ہونے کی خبریں اپریل 2022 اور 2023 میں بھی سامنے آئی تھیں، تاہم اداکارہ کے قریبی ذرائع نے ان خبروں کی تردید کردی تھی۔
15 ستمبر 2025 کو کترینہ اور وکی کوشل نے انسٹاگرام پر اعلان کیا تھا کہ وہ زندگی کے سب سے خوبصورت باب کا آغاز کرنے جا رہے ہیں اور ان کے دل خوشی اور شکرگزاری سے بھرے ہوئے ہیں۔
سوشل میڈیا پر کئی دنوں سے کترینہ کیف کی ماں بننے کی خبریں زیر گردش کررہی تھیں، تاہم جوڑے کی جانب سے اس حوالے سے کوئی بیان سامنے نہیں آیا تھا۔