لبنانی صدر نے اسرائیلی فوج سے مقابلے کا حکم دیدیا

لبنانی صدر کا کہنا ہے کہ فوج مہلک دراندازی کے بعد اسرائیل کا مقابلہ کرے گی۔
لبنان کے صدر جوزف عون نے افواج کو ہدایت کی ہے کہ وہ ملک کے جنوب میں کسی بھی اسرائیلی دراندازی کا مقابلہ کریں۔
اسرائیلی فورسز نے اپنی مشترکہ سرحد عبور کی اور رات بھر چھاپے کے دوران ایک میونسپل کارکن کو ہلاک کر دیا۔
یہ اہم اعلان جمعرات کے روز لبنانی سرزمین پر اسرائیلی حملوں کے بعد کیا گیا ہے جو نومبر میں نافذ ہونے والی جنگ بندی کی اسرائیلی خلاف ورزیوں میں تقریباً روزانہ کی جاتی ہے۔
لبنانی افواج، مسلح گروپ حزب اللہ کے برعکس عام طور پر اسرائیل کے ساتھ تنازعہ میں نہیں پڑتی لیکن اب ایسا لگتا ہے کہ لبنانی فوج کے سابق کمانڈر عون نے بالآخر اسرائیلی درانداری پر ردعمل دینے کی ٹھان لی ہے۔
ایوان صدر کے ایک بیان کے مطابق، عون نے بریگیڈیئر جنرل روڈولف ہائکل کے ساتھ ملاقات کے دوران، فوج کو حکم دیا کہ “لبنانی علاقے کے دفاع اور شہریوں کے تحفظ کے لیے آزاد کرائے گئے جنوبی علاقے میں کسی بھی اسرائیلی دراندازی کا مقابلہ کریں”۔