کراچی : پولیس اہلکار کو ڈکیتی مزاحمت پر گولی مار دی گئی

منظور کالونی کے علاقے میں پولیس اہلکارکو ڈکیتی مزاحمت پر گولی مار دی گئی جبکہ ملزمان پولیس اہلکارکی پستول ساتھ لے گئے۔
تفصیلات کے مطابق کراچی کے علاقے منظور کالونی کے علاقے میں فائرنگ کے واقعے میں ایک پولیس اہلکار زخمی ہوگیا۔
ریسکیو حکام کے مطابق زخمی پولیس اہلکار یونیفارم میں ملبوس تھا اور ان کی شناخت ظہیر درخشاں کے نام سے ہوئی۔
پولیس حکام نے بتایا کہ اہلکار کو ڈکیتی مزاحمت کے دوران گولی ماری گئی، ظہیر درخشاں درخشاں تھانے میں تعینات ہیں اور وہ گھر سے نکل کر ڈیوٹی کے لیے جا رہے تھے۔
اطلاعات کے مطابق ملزمان پولیس اہلکارکی پستول ساتھ لے گئے تاہم موٹر سائیکل لے جانے کی بھی کوشش کی مگرکامیاب نہ ہوئے۔
حکام کا کہنا تھا کہ تین ملزمان ایک موٹر سائیکل پر سوار تھے اور پولیس اہلکار کی موٹر سائیکل چھیننے کی کوشش کی، لیکن وہ اسٹارٹ نہ ہوئی۔ ناکامی کے بعد ملزمان موٹر سائیکل چھوڑ کر فرار ہوگئے۔
پولیس نے علاقے میں تفتیش کا آغاز کر دیا ہے اور ملزمان کی گرفتاری کے لیے چھاپے مارے جا رہے ہیں۔