کل سے شدید بارشوں کی پیشگوئی ، الرٹ جاری

تفصیلات کے مطابق پنجاب ڈیزاسٹر مینجمنٹ اتھارٹی (پی ڈی ایم اے) کی جانب کہا گیا ہے کہ مون سون بارشوں کا 11واں اسپیل کل سے شروع ہوگا، جو 19 ستمبر تک جاری رہے گا۔
ترجمان پی ڈی ایم اے کا کہنا ہے کہ اس دوران پنجاب کے بیشتر اضلاع میں شدید بارشوں کا امکان ہے راولپنڈی، مری، گلیات، اٹک، چکوال، جہلم، گوجرانوالہ، لاہور، گجرات اور سیالکوٹ میں بارشیں متوقع ہیں۔ اسی طرح نارووال، حافظ آباد، منڈی بہاؤالدین، اوکاڑہ، ساہیوال، قصور، جھنگ، سرگودھا اور میانوالی میں بھی بارشوں کا امکان ہے۔
محکمہ موسمیات اور پی ڈی ایم اے کی رپورٹ کے مطابق 18 اور 19 ستمبر کے دوران راولپنڈی، مری اور گلیات کے ندی نالوں میں پانی کے بہاؤ میں اضافے کا خدشہ ہے، جب کہ بڑے شہروں کے ندی نالوں میں بھی طغیانی کا خطرہ ظاہر کیا گیا ہے۔
ڈی جی پی ڈی ایم اے نے کہا کہ وزیراعلیٰ کی ہدایات پر صوبے بھر کے کمشنرز اور ڈپٹی کمشنرز کو الرٹ کر دیا گیا ہے تاکہ کسی بھی ممکنہ ہنگامی صورتحال سے بروقت نمٹا جا سک