جیولری شاپ پر ڈکیتی، فائرنگ سے 2 سیکیورٹی گارڈ زخمی

کراچی کے علاقے نیو کراچی باڑا مارکیٹ میں بسم اللہ جیولری شاپ میں ڈکیتی کی واردات پیش آئی، جہاں مسلح ملزمان کی فائرنگ سے 2 سیکیورٹی گارڈ غلام یاسین اور عبدالکریم زخمی ہو گئے اور ملزمان طلائی زیورات لوٹ کر فرار ہونے میں کامیاب رہے۔ ایس ایچ او خواجہ اجمیر نگری کے مطابق واردات میں 4 ملزمان 2 موٹر سائیکلوں پر سوار تھے، جبکہ زخمی گارڈز کو اسپتال منتقل کر دیا گیا ہے اور ان کی حالت خطرے سے باہر ہے۔ پولیس کی بھاری نفری موقع پر پہنچ گئی ہے اور سی سی ٹی وی فوٹیج اور شواہد کی مدد سے ملزمان کی تلاش شروع کر دی گئی ہے، جبکہ لوٹے گئے زیورات کی مالیت کا تخمینہ لگایا جا رہا ہے۔