جیولرز کی دکان سے خواتین قیمتی انگوٹھیوں کا باکس چوری کرکے فرار

کراچی: صرافہ بازار میں جیولرز کی دکان سے دو برقعہ پوش خواتین قیمتی انگوٹھیوں کا باکس چوری کرکے فرار ہوگئیں۔
کراچی میں پاپوش نگر کے صرافہ بازار میں جیولرز کی دکان پر چوری کی واردات ہوئی ، جہاں دو برقعہ پوش خواتین قیمتی انگوٹھیوں کا باکس چوری کرکے فرار ہوگئیں۔
پولیس کا کہنا ہے کہ واقعے کی سی سی ٹی وی فوٹیج حاصل کرلی گئی ہے اور واقعے کی تحقیقات شروع کردی گئی ہیں۔
فوٹیج میں دیکھا جاسکتا ہے کہ دونوں خواتین دکان میں گاہک بن کر داخل ہوئیں اور موقع پاکر قیمتی انگوٹھیوں کا باکس چوری کیا۔
دکاندار کے مطابق چوری شدہ انگوٹھیاں 45 لاکھ روپے مالیت کی تھیں تاہم فوٹیج کی مدد سے ملزم خواتین کی شناخت اور گرفتاری کے لیے کارروائی جاری ہے۔